一到夏天，各種瓜類，如冬瓜、節瓜、勝瓜都齊當造，唔少主婦都鍾意買瓜嚟煲湯或者炒菜，貪佢方便唔使洗菜咁麻煩，而且又有消暑作用。好似呢個月又有一種外表非常翠綠嘅水瓜當造，佢唔似節瓜咁毛茸茸，亦都唔似苦瓜咁凹凹凸凸，佢擁有圓滑嘅表面，尺寸仲比翠玉瓜大，味道又特別鮮甜，所以大多數人都會用嚟煮蝦米粉絲，或者用嚟清炒蝦仁。另外亦可以加入瘦肉嚟滾湯，味道清甜可口，大人細路都咁啱。
