去年有兩齣電影經由住在北美的朋友先後以電郵推介給我看，他們用上了MustSee這字眼，MustSee在網上是很鄭重的推介，於是連忙把這兩齣電影找來看。
一齣是《Crash》。初看時覺得幾好睇，但又唔係話覺得特別勁，介紹畀其他朋友睇則一定冇問題，後來《Crash》奪得最佳電影獎，經由我介紹而先睹為快的朋友們紛紛讚我有水平、有Taste，其實都唔關我事。
另一齣是《Closer》。兩男兩女困獸鬥式赤裸裸、血淋淋地剖析愛情關係，屬於那類講講講講講的電影，如果唔係由大明星演出，確實唔係太有衝動睇，點知睇完又幾喜出望外。介紹給奄尖朋友睇，睇完後的評語是成熟、真實、妙對白如珠、有娛樂性兼學到嘢。《Closer》舞台劇版本由本地演員擔綱演出，我有三個好奇。好奇一、鄭文雅演出JuliaRoberts的角色，氣質相近，應有睇頭；好奇二、焦媛演出NataliePortman的角色，外型雖不相近，但有彈冇讚的奄尖朋友睇過之後又大讚焦媛演得落力兼出色。好奇三、《Closer》賴以食糊的金句對白被翻譯成廣東話之後會變成何模樣？
"...oh,andDan,Ilied.Idid****her."究竟會被譯成我搞過佢、我過佢、我＊過佢、還是我同佢瞓過？很好奇。