為咗紀念已故動作巨星李小龍，中央電視台日前宣布話要投資超過5,000萬人民幣拍攝40集連續劇《李小龍傳奇》，一向好崇拜李小龍嘅周杰倫知道呢件事後，仲主動聯絡央視，話唔收片酬都想拍呢齣劇，咁當然係要飾演李小龍啦！不過呢個劇嘅導演吳子牛喺記者會度話：「就是周杰倫來也還是要先試鏡啊！」
聶遠得先機
其實喺日前嘅記者會，央視安排吳子牛同演員聶遠一齊出席，好多記者問聶遠係咪內定咗由佢做李小龍，佢答話對呢個角色係好有興趣，不過未到宣布嗰一日，佢絕對唔敢講一定得到呢個角色。而吳子牛亦話：「請聶遠來只是說明他是目前李小龍這個角色的標準，但決不代表他就是最後人選。」睇嚟周杰倫都要出力去爭一爭啦！