百年老店中電雖然為咗08年後電力改革頭都大埋，但佢哋喺埋頭同政府拆嘅同時，亦不忘一盡企業本份。華華聽聞，中電旗下中華電力常務董事阮蘇少湄，下個禮拜會去到將軍澳迦密主恩中學，與同學分享成長經驗同心得，仲會介紹啲英文書畀同學仔！
據講，活動搞手其實係總商會，希望同學仔進入社會前，可以對商業世界運作有更多理解。聽講話，之前同學仔經已參觀過中電電廠，中電又為佢哋搞咗個面試talk！華華做學生嗰陣，最勁都只係參觀太古汽水廠咋！
除咗中電，獅子行同埋置地都有參與呢個計劃，搞到華華都好想參加。順帶一提，阮蘇少湄喺今個禮拜六，會先去中環嘉諾撒聖心商學院搞talk，跟同學分享吓乜嘢係成功領袖。咁頻撲，話家吓啲高層認真唔易做。