吳君如上月生完女，月頭為商台開咪暢談餵人奶經驗外，前晚佢終於坐完月復工，喺節目內再次分享湊女經，仲自嘲唔係稱職母親，君如話：「人哋會親身試奶粉、尿片，我就冇試過，真係唔夠人偉大，不過我以前嘅形象會返嚟，唔通要我做偉大的母親咩，我仲想媾仔同飲酒，𠵱家日日對住屎片同奶粉，真係好想去行街買嘢。」