今個月初先搞咗個社會民主連線，「名嘴」黃毓民（圖右，左為董事兼總經理周舜河）又有新搞作，今次唔係咩政治騷，而係幫九倉下邊檔ec電訊1507做代言人，sell人哋嘅「1蚊1000分鐘」新優惠，黃教授話，1蚊有咁多分鐘，呢個優惠真係幾狼。乜句口號咁熟口面嘅？
呢句係嚟自佢響K寶個節目「歷史幾狼都有」，噚日ec電訊仲送埋呢本書畀華華，裏面有教授個親筆簽名，不過就唔知點解附送一盒冬蟲夏草，唔通又係佢做代言人？（華華：九倉係有線嘅母公司，黃教授賺到母女兩家公司嘅茶禮。）
講開IDD，教授自爆做靚仔嗰陣，要走去大東電報局排隊拎飛仔打長途，150大蚊只得3分鐘，佢當年就係咁溝女！照華華估計，教授極有機會溝過洋妞噃！唔知黃太知唔知？