任達華、陳嘉容和傅穎昨日擔任Yahoo感情品牌大獎頒獎嘉賓。近日網上有人聲稱投資三萬元便可成為任達華擔任代言人的內地西裝品牌的股東，但實情是不法之徒欺騙巿民金錢，令任達華極為不滿，由於內地太多同類事件發生，任達華正搜集資料求助。
任達華、方力申、傅穎（Theresa）、陳嘉容和石修等昨日在灣仔君悅酒店出席「Yahoo感情品牌大獎」頒獎禮，負責頒獎給各行各業的得獎者。模特兒陳嘉容身穿低胸裙，大搶風頭，而Theresa亦不輸蝕，穿上熱褲大騷美腿。
膽固醇超標
任達華在內地擔任西裝品牌代言人，想不到有不法之徒竟在網上利用該公司名義邀請巿民加盟該店做股東，條件是要付出三萬元。
任達華說：「代理商話畀我知有呢件事，啲人唔應該咁做，上網仲有好多用途，我都明白好多呢啲事發生，試過無端端幫人賣咗鑽石廣告都唔知，我三年前去南非拍戲，見到有間舖擺滿我同鑽石嘅相，我入去搵個老闆，但最後都冇追究，希望啲人會自律，我𠵱家都做緊資料搜集，睇吓可以點做。」
最近任達華接受了膽固醇檢驗，結果超標，他歎道：「我10年冇食雞髀，15年冇飲汽水，又唔飲酒，真係唔公平，反而杜琪峯乜都食就冇事。」
Theresa做妓女
至於Theresa，她表示近日忙於拍攝電影《黑拳》，飾演內地姑娘，經常要濃妝艷抹，及後更淪為妓女。
Theresa說：「呢齣戲其實有好多發揮機會，但我怕觀眾睇到後會將我定型，所以有啲擔心。」
採訪：卓寶花
攝影：林德雄
