上星期同大家提過，開車前要檢查的事項，唔知大家有無跟住去做呢？有就真係乖喇！檢查完部車燈、油、水、胎和車身後，當然是跳上駕駛席開車出發喇；原來都有好多嘢要留意，不如今日再請香港駕駛學院的專業導師方Sir，跟大家講講開車時嘅正確坐姿，怎樣坐才可令自己開車時舒舒服服。
記者：鄭達基
攝影：黃子偉
模特兒：Crystal
鳴謝：香港駕駛學院
不要坐太前腳尖踩掣
「有好多人都覺得駕車時坐前一點是最安全的做法，話方便緊急時踩Brake煞停部車，但這種觀念其實是錯的，因為若不幸發生交通意外的話，彈出的安全氣袋或會弄傷自己，所以只要將座椅調節到自己認為舒適，同時又可以踩到油門跟腳掣的位置就OK喇。」另外，方Sir仲話手握軚盤的位置，應該是軚盤的2點和10點鐘位置，手臂則要微微彎曲，咁做可以揸得舒服啲吖嘛。至於腳方面，則要腳踭掂地，腳尖放在腳掣上，方便踩油和煞車。
