國際物業顧問仲量聯行，最近發表報告話，澳門賭場平均每張賭枱請16個人。而由𠵱家至09年，澳門仲有15至17間賭場落成，新增賭枱4400至4800張，咁即係要請多7萬至近7.7萬人。 據當地賭場人力資源部做嘅訪問，賭場外籍僱員大多係做會計財務及管理層職位；政府就這類僱員定出上限為10至20%，即係仲有7000至1.5萬新外籍員工職位，但現時至09年，澳門都係得1.7萬個住宅落成，即係有41至88%新供應畀外籍僱員吸納。