大市昨日雖然只跌102點，但銅銅鐵鐵以及唔少中資股就全面報跌，好似早排勁升嘅靈寶黃金（3330），就隨金價回落勁插，最低落到7.7元至識反彈，收8.1元，仍跌12.43％，成交金額有1.7億銀，似乎投資者係真驚，唔似係講笑。
升得急時跌得仲快，又一次證明「Whatgoesupmustcomedown」的講法。
另外，駿新集團（091）早前公布喺大陸投資燃氣生意，兼夾以每股0.25元批股集資3000萬元，股份復牌當日先升後回，但有關人等堅稱未炒完。昨日聯交所資料顯示，德意志銀行當真買入咗5000萬股駿新，計落有8.19％股權。
按道理搵到咁猛料嘅投資者要貨，駿新股價照計冇理由毫無表現，雖然話大市唔就，但呢類解釋似乎一向唔多適用於細價股身上。
駿新跌1.9％，收0.26元，成交唔算多，接咗貨但未沽的投資者，暫時重係冇肉食。
慕容小初