孖女衛蘭、衛詩以及孖仔組合Soler等前晚在灣仔演出小型音樂會，人氣不及姊姊的衛詩，特別穿上低胸小背心配襯熱褲，勁歌熱舞，大晒身材，大搶胞姊衛蘭鏡頭。
孖生姊妹衛蘭（Janice）和衛詩、側田、孖仔組合Soler等一班新人王，前晚與梁漢文和何韻詩等在灣仔演出新城原聚力音樂會。身為特別嘉賓的衛詩穿上低胸小背心勁歌熱舞，為演唱會掀起一陣高潮。
黑Bra疑雲
打扮性感的衞詩在台上表演時，不時俯身拋胸，大騷身材，後來在後台做訪問時，疑露出黑色胸圍邊，不過衞詩表示只是背心，又謂擔心春光乍洩，曾想用貼紙黐着胸口，她說：「我都唔係好sexy啫，但為咗唔走光，我喺件打底衫打咗三個死結。」
有報道指Janice未加入樂壇時，某次生病而找孖妹衞詩頂包演出，兩姊妹均否認其事，記者問她們可曾被男友認錯，衞詩說：「冇喎，如果係咁都要叫嗰個男仔醒啲。」笑指自己一身打扮是荷蘭牛奶妹look的Janice說：「我同妹妹由細到大都唔似，我細個好肥，𠵱家瘦咗先似啲。」
Soler演唱期間，彈琴的大孖Julio突然停手，而細孖Dino則望着他，原來樂器出現問題，工作人員見狀立即上台搶修。Julio日前被拍到與Cookies前成員Angela拍拖食麵，報道指他事後承認交往，但前晚他竟說：「我梗係唔會認。」
側田衝落台
記者即取笑Julio玩地下情，他說：「我試吓先話你知，如果我食麵都算拍拖，咁我咪好多女朋友。」對於Angela在主持的電台節目中不時播放Soler歌曲，Julio說：「佢係Soler嘅fans，佢好好傾。」Dino亦說：「哥哥追女仔唔使我幫手，佢好有本事。」
此外，側田演唱時，突然興起衝下台，令現場引起小混亂，他事後接受訪問時說：「我近排要還歌債，方力申、鄭融同郭富城都要我幫手寫歌，其實做幕後好少錢，五位數字都冇，好辛酸，就好似做sales一樣。」
採訪：駱華齡
攝影：陳偉權
