香港法國文化協會搞嘅《法國五月》又開鑼。呢個充滿文化藝術色彩嘅節目，有音樂、電影、歌劇、名畫展覽等，一直以文化藝術兼高品味作包裝嘅薄扶林貝沙灣，發展商盈大係贊助商之一。 盈大執董顏金施講，著名法國歌劇《卡門》聽晚起一連三晚演出，貝沙灣贊助其中一場。盈大過去幾年都贊助過唔少文藝節目，好似失明男高音AndreaBocelli來港演唱，女歌手SarahBrightman及LauraFygi等，今次贊助法國藝術，或者與樓盤當年推銷時，以擁有類近法國蔚藍海岸嘅海岸線做賣點有關。