工廈呢期仲係當紅，所以買賣消息特別多，中原九龍東工商部營業董事李彥樺表示，觀塘南洋廣場低層2742呎單位，剛以700萬售出，呎價2553元，單位一放盤，就即刻吸引3個投資者爭奪，其中一名志在必得，一出手就畀到業主要求嘅價錢，所以幾日內就打低對手，同業主傾掂買入單位，仲跟手再放賣，叫價每呎2900蚊。原業主揸咗件貨6年，勁賺1.3倍。
聽講，𠵱家南洋廣場只得3個放賣盤，叫價每方呎2900蚊起。
既然工廈市道火熱，大埔工業邨大宏街9至11號工廈，接管人同經理人就趁勢委託仲量聯行標售，6月2號截標。地盤面積54865方呎，現為1幢兩層高面積42893呎工廠，並會以交吉方式出售。