【本報訊】經過大半生勞碌，壯碩的爸爸告別中年，秀美的媽媽送走青春年華，他們的結局竟然是在劣質安老院受盡折騰終老。安老院舍近年不斷爆出醜聞，最常見是不向已死院友家屬退還按金，不少人昨向電台直斥安老院斂財之餘，人手嚴重不足，衞生環境惡劣，父母在安老院只有等死。
月收萬元仍照顧不周
面對生活，不少人要為口奔馳，在香港狹迫的居住環境下，安老院遂成為安置父母的無奈選擇。黃先生的祖母今年九十多歲，曾入住九龍塘一所安老院，四至六人一房，每月單是床位費用已達一萬元，其間祖母跌倒過兩次，「第一次跌倒後，佢哋一日內打咗三次電話嚟，講三個唔同版本，次次講嘅跌親地點都唔同，我哋覺得佢哋照顧不周，但都無追究。」
黃先生昨在港台節目《千禧年代》上稱，院舍明顯人手不足，平日全層30個長者，只有三人照顧，祖母半年後再次跌倒，當時只有兩人負責照顧，「院舍收咁多錢，我哋有能力畀，都係希望你有完善服務，但係啲基本嘢都好不足，我哋決定轉院，佢仲話想收我哋錢，我哋都未追究你疏忽！差啲上到法庭先攞番啲錢。」
「政府點解監察咁差？其實社署嘅人都會去巡，點解佢哋睇到都唔出聲？係咪佢哋良心過意得去？」聽眾林太的媽媽90歲，因骨折入院，醫院最初礙於病情較輕，拒絕讓其留院，「我去求個醫生，佢如果喺老人院，只係瞓喺度等死。」
發牌寬鬆巡查前通知
曾在安老院工作的陳小姐說，有老人院迫長者用院方提供的尿片，較外出貴一半，「仲有尊嚴無晒，沖涼男男女女排晒隊，除晒人哋啲衫，乜都睇到晒。」有聽眾批評本港絕大部份安老院舍均會剋扣按金，巿民根本無從選擇；保健員缺乏衞生常識，進行腹膜透析時沒有使用手套及口罩，令其母三次受感染。此外，也有聽眾投訴親人在院中被「五花大綁」。
防止虐待長者協會助理總幹事余嘉龍在節目中直斥私營安老院的情況「失控」，發牌過於寬鬆，當局巡查前更會預先通知。
立法會社會福利界議員張超雄指目前本港不少私營安老院人手緊絀，護士人才難求，「因為始終係厭惡性工作，有啲護士甚至走鬼，去唔同院度頂替。」