兩位港姐冠軍向海嵐與翁嘉穗一向私交甚篤，經常相約吃飯見面。日前記者發現兩人偕曾參選華裔小姐的馬來西亞小姐黃淑玲，齊齊到跑馬地櫃員機提款，準備足夠彈藥攻打四方城。
兩位港姐冠軍，包括97年度港姐冠軍翁嘉穗，與98年度港姐冠軍向海嵐，同屬慧妍雅集成員，兩人私交甚篤。
買餸乾塘
儘管翁嘉穗已嫁予七海化工集團主席鄔友正，結婚生子退出娛圈，但兩人仍經常相約飯局見面，聯繫感情。
上周四約下午五時，向海嵐、翁嘉穗及當年跟翁嘉穗一同參選華裔小姐的馬來西亞小姐黃淑玲，由司機接載前往跑馬地。起初記者以為三人到跑馬地歎下午茶，但原來她們只是到附近的銀行櫃員機提款。三女全程有講有笑，氣氛輕鬆，逐一提取現金後，即登車離去。
記者致電向海嵐時，她承認上周四曾跟翁嘉穗見面，還說：「嗰日我哋去佢屋企食飯，一齊去跑馬地買餸，點知個個銀包都冇晒錢，所以咪一齊去㩒錢囉。」
問她們飯局之後有否攻打四方城消遣？向海嵐顯得有點尷尬地說：「都有嘅！不過我哋只係係咁意玩吓，唔係成日打，唔想俾人誤會我哋成日掛住打麻雀！」
大學校友
向海嵐表示，她跟翁嘉穗屬加拿大UBC大學（TheUniversityofBritishColumbia）同系，雖然兩人參選港姐屆別不同，當選後各有各忙，但自從去年翁嘉穗加入慧妍雅集之後，兩人便經常聯絡。向海嵐說：「我哋一齊學瑜伽，有時我又會去佢屋企食飯，佢個仔𠵱家五歲，好得意，食飯時識得夾餸畀我食，仲話要娶我做老婆，好搞笑！」
採訪、攝影：娛樂突發組
