本報今年初曾幫助一名先天性膽管閉塞的女嬰譚淑敏，當時淑敏是由其母親譚太捐贈部份肝臟作移植。
譚太從記者口中得悉鈞鎧的情況，並知道鈞鎧的父親打算捐肝救子，身為過來人的譚太鼓勵說：「希望鈞鎧嘅父母唔好擔心，尤其係佢爸爸，手術好快就過，雖然個人係會有一啲緊張，做完手術會有少少痛，不過我係女人都捱得住，你都一定得，只要你見到BB做完手術後健健康康，就咩都抵番晒。」
25歲的譚太，今年初捐肝救女後，留醫數天便可出院，目前更已大致復原，甚至可在工廠上班，三個月後再回院覆診，至於女兒淑敏的情況亦算穩定，只是肝酵素仍然偏高。
劫後餘生的喜悅
「囡囡胃口幾好，一日食三餐奶同埋兩餐粥仔，佢下個月就滿一歲啦，𠵱家開始學講嘢，佢叻就講：『打打』。」譚太甜甜地笑說，語氣中充滿母女劫後餘生的喜悅。
本報記者