公益金前晚舉行的晚宴，除邀得賭王何鴻燊表演棟篤笑外，前日剛由內地返港的黎明，晚上亦以公益金主席身份出席，而他一手提拔的衞蘭則為晚宴擔任表演嘉賓，獻唱《StandByMe》及《Can'tTakeMyEyeOffYou》等歌曲。
但衞蘭唱《StandByMe》時卻因緊張入錯key，事後衞蘭說：「因為Leon（黎明）坐喺台下，我好緊張，我想表現得好啲畀佢睇。」
上海遇巨蚊
此外，忙於在上海拍戲的黎明則說：「我喺上海拍緊電影《心中有鬼》，主要場景係竹林，要坐三個鐘車先到達，休息兩日後我又要再坐三個鐘飛機同三個鐘車，返去繼續拍攝，嗰個竹林直情係與世隔絕，天氣又濕，重有好多巨蚊，好彩啲蚊唔識點針人。」問他近日頻撲拍戲，會否因此減少與女友樂基兒見面時，他即一臉嚴肅地說：「私人嘢唔講。」