踏入初夏，男士們開始換上背心短褲涼鞋，有冇覺得總係周身唔舒服呢？咪係個髮型太悶蛋囉！現今M字額、鬼剃頭成風，男士的每一小條髮絲都顯得異常矜貴，點解唔的起心肝，為你羨煞旁人嘅濃密秀髮扮吓靚呢？無論你想飛短定留長，唔想一失足成千古恨，就要睇實今年潮流興甚麼髮型，夾吓邊款最襯你嘅夏日型男look啦！
記者：盧家蕙
攝影：何家亮
Model：Andrew、Kieran、Tony（FromQuinmodel.com）
Hairstyling：RentonfromSalonide
MakeupArtist：YukiFromMaevon
服裝提供：Izzue.com
香港男仔好鍾意整到個頭一支支豎起晒，乜𠵱家仲興咩？Salonide髮型師Renton就話：「今年春夏流行Bob同Wave髮型。」於是小記挑選咗幾款從近期日本雜誌上常見的髮型給他看，他說：「呢幾款髮型無問題，但對香港男士就有一定難度，應該要稍加改變先配合到。」且看他如何施展變髮技術！
曲髮代表：頹廢長毛飛
鬈髮風氣之盛係人都知，好多少男喜歡電成微鬈，不過全曲髮並不常見。充滿線條美的全曲髮，屬英倫式的型格之選，最適合面形長及較高大男生。
髮型師有嘢講
「如果怕鬈髮過於女性化，劉海部份唔好電得太鬈，頭髮層次較多或較短者也可以wax為曲髮定型，以營造不經意嘅凌亂美。」
點keep？
從頭髮底部吹起，一邊用手把頭髮吹鬆，一邊用hairspray定型。最後於髮尾塗上wax，加重頭髮質感。
Mustbuyitems
中長髮代表：分界兩邊飛
髮型整體以Bob為主體，中間分界的髮型很鮮明，如髮尾較長厚者可把髮尾往上捲，較隨意地向上翹起，以加強自然層次感。
髮型師有嘢講
「呢種髮型較適合髮絲幼細纖密嘅鬼佬，Kieran的髮型剪得較碎，幸好也可因利成便，創造輕爽的版本，以代替厚重感。」
點keep？
用手指將髮尾翹起，吹至定型。直髮部份可先塗直髮泡沫，用梳整理至貼服，用spray或wax於髮梢做出光澤效果。
Mustbuyitems
短髮代表：變種Bob頭黨
對於頭髮較厚及粗的外國男士，大熱Bob頭最適合不過。而Bob頭對中國男士來說則較難carry，由於bob頭的特點是前額齊葺葺，兩旁頭髮要梳至貼服，面形圓闊或包包面的人士就不適宜，因為會愈整愈似冬菇。
髮型師有嘢講
「Andrew前額頭髮長短不一，傳統Bob頭造型不太適合，因此保留前額的層次感，唔使全部齊晒。其次，若染上藍黑色可加添60年代味道，trendy啲可選銅色系列。」
點keep？
把小量wax揉勻於掌心，順住髮勢利用手指從頭髮底層往外梳，就可增加頭髮之間的層次感。咪一嘢撻晒上後腦，實晒會好肉酸。
Mustbuyitems
沙宣強力塑型髮蠟$59.9
可持久擁有暗啞自然亮澤，不黏膩或油亮。
Shoplist
L'OrealParis 28281437
VSSassoon沙宣 25833583
後記：變髮一肚氣
有時髮型師都會有所謂的「藝術家脾氣」，即係唔啱feel就睬你都儍，就好似今次搵嘅髮型師Renton，幫3個猛男搞咗好耐，全部髮型都好快冧低，最後Renton邊接受訪問，邊指示其junior幫拖，並一臉無奈地說「剪得太碎喇，好難搞」，中途更表示「要行開陣」。點知佢一走開就係3個鐘頭，將個亂局留畀junior雞手鴨腳一個撐，最後終於勉強完成。究竟Renton你去咗邊？
小記後來向ilcolpogroup反映，答覆竟是：「嗰日佢行開陣即係去咗放lunch，佢話係你自己揀啲模特兒髮型唔啱整喎！」嘩！髮型師喎……