近日經過時代廣場、地鐵站，都聽到關心妍（Jade）的大碟宣傳，一句「敢愛心中所愛」大家都聽得耳熟能詳，但她心中所愛又是甚麼？今次Jade就帶大家去銅鑼灣食她至愛的日韓料理，品嚐最美味的刺身及烤牛肉，發覺Jade這個女流之輩原來都是個好酒之徒。
記者：曾靜茵 攝影：陳陶鈞
Makeup：KamenLeung
Hair：MarkHim
Wardrobe：BCBGMAXAZRIA
JadelovesSASHIMI
愛食海鮮的Jade可謂對日本刺身情有獨鍾，平日一得閒她最愛與三五知己去「竹八」歎她的至愛──牡丹蝦。「雖然位於銅鑼灣鬧巿，但可能位於商業大廈內，所以餐廳環境唔似得其他食肆咁喧鬧，最啱就係同朋友坐低邊食邊傾偈，而且呢度嘅刺身好新鮮，其中我最鍾意食嘅牡丹蝦又大大隻，咬落去啖啖肉特別鮮甜！」
位於亨利中心的竹八料理，開業近5年，主打傳統的日本菜，由於店舖堅持使用新鮮材料，所以餐牌每隔幾星期便會更換。而Jade亦特別欣賞師傅不時推出自創菜式，例如三文魚親子燒、雞肉丸等，當中運用巧妙的配搭，令平凡的食材變得不平凡。
牡丹蝦刺身$180/3件
比一般海蝦大一倍的北海道牡丹蝦，由日本空運抵港，食落啖啖肉非常鮮甜。
三文魚親子燒$75
以三文魚皮、魚子及切碎的三文魚肉炮製而成的親子燒，一口一個，食落香脆之餘還有三文魚的鮮嫩。
麵豉醬燒豆腐$35
充滿風味的燒豆腐，面層加以麵豉醬一同燒，味道唔太濃，是日本傳統的菜式。
自家製雞肉丸$45
以打碎了的雞肉及雞軟骨搓成的雞肉丸，食落口感豐富，甚有咬感。
竹八日本料理（28954178）
地址：銅鑼灣恩平道40-42號亨利中心2樓
JadelovesBEEF
除了海鮮，Jade亦特別鍾情於牛，尤其是Kaya的韓式烤牛肋骨肉可謂讚不絕口。「呢度嘅燒爐與其他嘅不同，一般都會使用鐵板，但呢度就用網燒，燒出來嘅牛肉夠均勻又夠香口，而秘製牛肋骨肉，調味唔會太濃，燒完之後仲有好濃嘅牛味，咬落亦充滿肉汁，非常美味。」而近日韓國菜館開完一間又一間，不過開業近4年的Kaya仍站得住腳，因為此店仍由韓國人主理，師傅也是地道的韓國人，雖然翻開餐牌都是我們熟悉的燒烤、泡菜、石頭鍋飯等，但勝在味道夠正宗。
每次食韓燒牛肉我都會飲清河酒，味道唔會太濃烈，女仔都啱飲，而我最鍾意加片檸檬入去，更加易入口。
精選烤牛肉拼盤$280（2人用）
拼盤內有齊牛胸肉、牛肋骨肉及切成薄片的牛的不同部份，燒完後再點上秘製的麻油鹽醬料，非常惹味。
醬炒八爪魚$150
韓國傳統的街頭菜式，以特製的醬料來炒，入口帶辣其後滲出甜味，而八爪魚咬落亦好juicy。
Kaya
地址：銅鑼灣羅素街8號6樓
電話：28389550