港股上周五跌二百幾點，美股當晚再跌百幾點，睇怕今日大市唔慌好睇。
經紀陳話，掛牌兩日嘅DBA電訊（3335）應未炒完，等基金收齊貨，將有新一輪升浪。據講DBA一早就被海外芬佬睇起，至公開招股時，聽講有本地投資者發覺喺國際配售部份攞唔到貨，於是走去公開招股部份申請，搞到公開招股部份超額認購接近300倍，令貨源由國際配售部份回撥去公開發售部份。
DBA上周四首日掛牌最高見過1.97元，收1.69元，較招股價1.26元，高34%，周五就回落10％，收1.52元。經紀陳話，估計要沽貨獲利的散戶應該沽得七七八八，芬佬收齊貨後，隨時會再開車。
另外，變身森林資源股的金威集團（910），有關人等在默默發功，上周五逆市上升9.1％，收0.36元，據講好快又會有動作。
慕容小初