天安門母親運動噚日喺銅鑼灣搞悼念「六四」活動，提醒市民同媽媽慶祝之餘，都唔好唔記得內地仲有班天安門母親，佢哋嘅仔女喺「六四」犧牲咗不特止，就連公開悼念仔女嘅權利都冇。
噚日都有成百幾二百人圍觀，佢哋仲播咗丁子霖同王丹嘅訪問。丁子霖話，六四就嚟過第17個年頭，啲媽媽好多已經體弱多病、孤苦無依，佢哋嘅力量係好脆弱，但希望可以撐落去，為咗尋求真相唔會退縮。王丹就話，睇住媽媽王凌雲頭髮越嚟越白，都想像到天安門母親嘅處境，中央政府一定要正視天安門母親嘅困境，畀佢哋自由悼念仔女嘅權利。
傳真︰2623-9278
電郵︰[email protected]