大家老早就知道，現年56歲嘅滙豐常務總裁紀雅倫（AlanJebson）將會喺今年5月26日起退休，但繼任人就未知。《彭博資訊》喺噚日星期日，走到去中東嘅杜拜，搵中東滙豐行政總裁兼副主席賀敬誠（DavidHodgkinson），話賀生會成為紀生嘅繼任人，賀生竟一口證實，話會喺5月22號履新，並坐鎮倫敦金絲雀碼頭（CanaryWharf）喎，除此之外就唔肯再講咩嘢喇。
咁大單嘅高層任命，點解唔係由集團出新聞稿公告天下呢？或者同滙豐喺今個月26號舉行股東大會有關，事關點都要董事會同股東批准先得。賀生今年56歲，69年加入滙豐，佢有乜把炮？睇佢主政嘅中東業務，過去3年盈利平均年年增長五成就知啦。