曾志偉（前排左三）噚日帶吳啟華、洪天明、鄧兆尊等去東莞為佢哋開嘅餐廳「飲食獎門人」擔任剪綵嘉賓，呢間餐廳入面有打邊爐，志偉話由吳啟華同洪天明負責，佢講笑話：「因為打邊爐滾吓滾吓，佢哋成日鍾意滾，好啱佢哋。」而兆尊就着晒成身Buberry出嚟，成身杏色，被江欣燕笑話佢因為啱啱分完家產，所以至會咁着，登時哄堂大笑。