精揀莧菜透明感重

𠵱家買莧菜就肯定最啱時令，要揀靚莧菜，就要揀啲短身啲，望落光滑又透明感重就冇走雞。莧菜分兩種色，有綠莧菜及紅莧菜，紅莧菜較早上市，所以到5月就差不多走下坡，口感會愈來愈差。而綠莧菜上市稍晚，同紅莧菜的營養成份就差唔多，但係綠色就受歡迎啲。
我鍾意先將啲莧菜用上湯浸熟佢，然後同炒香咗的豬膶或者瘦肉煮一陣，再加啲切碎咗的鹹蛋黃同皮蛋，佢哋同莧菜的味道係最夾。