昨日母親節，郭羨妮穿上母親為她縫製的腰帶出席活動，談及過氣男友溫兆倫即劃清界線，至於被指獲殼王陳國強照顧，郭羨妮謂對方只是投資者，自己是為對方打工而已。
郭羨妮和鄧萃雯昨日在大埔出席母親節活動，與多個三代同堂的家庭合照，郭羨妮穿上熱褲，並戴上其母親親手製造的腰帶到場，大晒幸福。
「冇人埋我身」
近日郭羨妮母親腳傷入院，記者問及其母傷勢，她趁機澄清與「殼王」陳國強的緋聞，她說：「有日我同媽咪係喺屋企搬琴，跟住個琴壓親佢隻腳。冇人幫我搬，證明冇人埋我身囉！」
有指陳國強不斷為郭羨妮製造工作機會，例如欽點她擔任電影《臥虎》的女主角，郭羨妮對此說：「唔知喎，但佢係投資呢部戲，月尾開鏡就算見到都唔會避，因為我係工作，佢係投資者。」不過之前在一個飯局上，有指二人避忌碰面，郭羨妮說：「又唔熟，唔通走過去叫人咩！」至於有報道暗示郭羨妮曾為溫兆倫還債，她反應甚大說：「千祈唔好關我事，明示暗示都唔好，但𠵱家見到面都會打招呼嘅。」
雯女盼做養母
郭羨妮出席活動後，隨即與經理人乘保母車離開，前往沙田中央廣場的宜家傢俬購物，購買了兩張地氈後便返回西貢寓所。
另外，鄧萃雯在活動上見到多個三代同堂的家庭，她感觸地說：「屋企人好開通，冇催婚冇畀壓力我。我估自己做母親嘅機會好微，第日母愛大發先考慮領養。」
採訪、攝影：王連連、娛樂突發組
