大口仔一向口水多過茶，人哋嗌交，無論關唔關佢事，都鍾意踩隻腳落去；好似早排惡家婆同小導演隔空開火，大口仔慌死唔講會蝕底咁，係都要加把口。原來，大口仔之前幫一個畀面派對做司儀時，小導演唔畀面出席，大口仔就同矮仔拍檔商量，諗住即場爆肚寸小導演，好彩正義女神及時阻止，勸佢哋以和為貴，唔好搞寸個party，佢哋先肯收手咋！