每逢喜慶節日，酒樓食肆人頭湧湧，母親節當然唔例外啦。身為兩女之母嘅邱淑貞，唔知係咪怕同人迫，上個禮拜日特登同囡囡、丈夫沈嘉偉、沈嘉偉胞弟同一大班長輩去中環食晚飯，提早慶祝母親節。
當日大概黃昏六時半，貴為上市公司I.T時裝集團主席夫人嘅邱淑貞，喺保鑣陪同下坐七人車到中環鏞記食晚飯，佢抱住囡囡先行下車，尾隨仲有工人同一名女性長輩。關仁見邱淑貞抱住個女一個箭步走入食肆，尾隨嘅女長輩見司機將座駕泊到老遠，即老實不客氣咁呼喝司機，不知幾巴閉。
發揮賢妻本色
約半小時後，關仁又見到邱淑貞行出食肆，原來係迎接沈嘉偉兩兄弟。
至晚上九點，邱淑貞一家食飽飽鬆人，沈嘉偉抱起個女欣賞門前魚缸入面嘅魚，兩父女遲遲唔肯上車，邱淑貞惟有企埋一邊等。
兩父女上車後，邱淑貞再發揮賢妻本色，幫佢哋閂車門，真係唔話得。
Textby關仁
