講瑜伽就通行都知黃佩霞最勁，估唔到佢個八歲囡囡Camelot都遺傳到佢嘅真功夫！噚日黃佩霞間PureYoga喺旺角朗豪坊宣傳七月開張嘅旗艦店，當然要露兩手，佢同囡囡Camelot齊齊着藍色母女裝齊齊表演拗腰、拱橋、屈腳全冇sayno，睇到成班觀眾目瞪口呆。 同場嘅伍詠薇對黃佩霞母女嘅身手讚不絕口，佢話自己學咗11年，都希望好似黃佩霞咁考牌教TVB同事喎！
