民主派今次全力參加選委會選舉，表面上似乎信心十足，但有民主派中人坦言，當中仍存在不少隱憂，包括對選民資料掌握不足，對選舉工程部署沒有經驗，就算他們支持的候選人共有超過一百人勝出，最終他們能否頂住北京壓力，願意提名民主派候選人參選特首，仍然是未知數。有民主派人士直言，以往在直選中取得的經驗，今次未必能派上用場：「以前只要喺地區幫人登記，我哋可以好肯定邊啲係選民，但今次唔同，我哋連邊啲人係合資格選民都唔知，只可以好似大海撈針咁，甚至唔知會唔會呼籲埋唔支持民主派嘅人去登記。」
跟商會無交往
此外，民主派以往那套選舉工程方式，亦未必適用於選委會，「直選有地區範圍做基礎，可以好清楚知道同緊選民講嘢，但選委會以界別做基礎，商會、專業團體入面個人聯繫更加重要，但民主派同佢哋一向冇乜交往，單做街頭拉票，又好似作用唔大。」
最令民主派頭痛的，就算他們支持的候選人勝出，也不代表會支持民主派候選人，該民主派中人分析，「唔好講北京出唔出手，就算當北京唔郁，班專業人士本身好獨立，若佢哋覺得民主派候選人唔夠班，又或者曾蔭權『冧掂』佢，佢一樣唔會支持我哋。」
本報記者