徐子淇、陳嘉容、李思蓓同郭芯其噚日去咗屯門擔任模特兒，佢哋着住唔同服飾，配襯不同嘅珠寶鑽飾，個個明豔照人。李思蓓噚日特別着到鬼咁靚配襯名貴鑽飾，不過都唔及穿宮廷服、配襯過千萬鑽飾嘅徐子淇搶鏡。徐子淇噚日以壓軸嘉賓身份出現，佢話計劃逐漸減少接工作，希望抽多啲時間做自己鍾意做嘅嘢。問佢係咪籌備做少奶奶？徐子淇話：「𠵱家做埋手頭嘅工作就唔會再接。」
