小童群益會噚日搵咗班兒童特首、兒童區議員，同葵青、荃灣班區議員交流議政心得，啲細路個個精過鬼，有個叫趙慧敏嘅兒童特首仲窒班區佬，唔好淨係識講政治，應該學吓點樣同人合作，咁樣先至做到嘢！
話說班兒童特首同區議員，都係由小學嘅老師提名，再經過小童群益會遴選先至做得呢個位，每次任期兩年。啲細路講嘢好叻、好有政治醒覺，阿「趙特首」話，煲呔係做得比老董好，但佢一定唔會支持煲呔連任，話晒區議員都係一人一票選，但特首反而冇得普選，咁梗係唔支持啦！
八方原本想問趙小特首點睇中央政府，可惜啲大人一聽到中央就好驚，叫班兒童特首唔好答。真係唔明點解特首唔講得中央？呢啲真係上樑不正下樑歪，如果從小就咁教啲細路，以後邊個去捍衞一國兩制呀？
爆料熱線：29290000、27860099
報料傳真：26239278
報料電郵：[email protected]