近年掏信用卡出來之前一定先問自己的問題:「呢套衫,會唔會好TVB呢?」
時裝人最慘情的下場:明明有心扮吓靚,結果變成了超級無敵獎門人。
寧under莫over的好處是,款式愈複雜的衫愈易賴嘢,可惜有些item你就是貪它雕花釘水晶三鑲三綑大龍鳳,實在沒有辦法一白遮三醜。
例如這幾年人人都嚷着要一件的NapoleonJacket。
近看的話當然看得出是不是電視城服裝間的水準,雖然不一定有機會被近看,但萬一有的話,會很sorry的,就當為自己夜闌人靜觀賞用,都值得千辛萬苦找件體面一點的。
難搵嗎?當然難。你覺得着衫是樂趣,我覺得搵衫一樣是。
滑鐵盧特約時間
嚴格來說是沒有「嚴格來說」的,基本上NapoleonJacket也沒有甚麼硬性的標準,籠統的樣子,但凡有金鈕的有擔桿的有綑邊的、短身的、圓腳的、燕尾的或者有個大反領的,夠膽都可以當自己是NapoleonJacket,但想要一件做工精巧令人嘖嘖稱奇的,當中就要一點苦功,對,純粹的運氣靠不住。
時裝,也不一定是話買就買的,有時都要經營,如果是萬萬聲精工刺繡的層次,就算時裝表演有,零售商也不一定肯冒險入貨,所以看了show馬上就要開聲,跑落店舖問價與落定,問了就算是overbudget起碼也可以(A)早點心息或(B)另想法子,例如Dolce&Gabbana男裝秋冬系列就做了幾件擺明是showpieces的拿破崙外套,我知10月才說要一定太遲,所以農曆年一過已走去探聽銀碼,結果是港幣6萬幾至18萬幾不等,10萬以下的我嫌那些embroidery太細篤,唔夠照,但夠勁的那些又夠買架日本車,而紅館又咁啱冇期畀我開個人演唱會,所以決定(B)另想法子。
粵劇戲服的刺繡師傅我倒是識兩三位,西洋畫風的則一位也沒有,而我不希望我的NapoleonJacket上有鴛鴦戲水或者蟠桃壽星公,所以不能訂做。
惟有襲擊古着店,叫Beatnik和美華氏入貨時替我留意了半年,未有回音,恐怕今次要自己出馬,東京的ChicagoVintageClothings最有時裝觸覺,但幾年來至今都未見有貨,最接近的代替品是美國中學大巡遊儀仗隊或啦啦隊的舊制服,當然不是繡真金線的,而且大黃大橙通常樣子太搞笑,但都殺,頂住檔先。
倫敦CamdenTown反而有,不單只有,連二手御林軍套裝甚至Beefeater造型都有,但多數嚴重甩皮甩骨,真正的巴洛克極品反而少見,似乎我和跳蚤們還不夠熟絡,需要深入蚤穴再搜尋。
有位《ItalianVogue》的男裝編輯出席月前的巴黎女裝時裝周時,穿了件人人都要回頭望一望的古董NapoleonJacket,連一班勢利眼的時裝同業都忍不住去問是哪裏買的,她說:「某fleamarket,不知道,我妹妹替我找來的。」大家都覺得她睜大眼講大話,收埋寶藏唔肯講,但冇符,鬼叫佢搵得到咩!想享受這種虛榮的話,私底下是要先遭受很多滑鐵盧的,畀心機行多啲market啦,老友!
對於山窮水盡的人,我們提供以下三種得到絕品NapoleonJacket的方法:
1.去大英博物館偷;
2.去演藝學院問吓有冇《LesMiserables》的二手戲服夜冷廉售;
3.去法國,加入騎兵隊。
祝拿破崙馬爹利人頭馬百事吉!
Textby黃偉文
黃偉文自我簡介:填詞人,其實最鍾意買嘢,最憎寫字,星期日盡可能唔寫字,去買嘢。