走入中環結志街的FILLINTHEBLANKS，全白牆身掛着印有毛澤東、工人、士兵人像，配着地道的文革圖案的T恤、掛軸、布袋。設計者是兩名土生土長香港人，對文革作品又愛又恨，他們強調要在作品裏灌注災難感、帶出諷刺感，向那個嚴肅的時代「開一場玩笑」。
做設計的Kenneth，30多歲，讀番書，原本對文革唯一的理解是他剛過90歲大壽的姨婆，曾在「六七暴動時、上街揸住毛語錄瘋狂地叫喊」的陳年舊事︰「對於好多香港人嚟講，毛澤東只係個符號。」
強調災難感 灌注作品上
但他好迷戀文革的「藝術作品」︰「好鮮明！好有力！」Kenneth指着店內牆上的作品說︰「我喺加拿大嘅書局，第一眼見到文革作品時就好鍾意，線條好簡單、明亮，而且好有力，傳遞出嘅訊息好明確。你一睇就知呢個係文革，無第二樣嘢可以取代，好鮮明！」
Kenneth的拍檔Lesley亦認為︰「無一場藝術革命可以好似文革咁，可以咁短時間就做到。」去年底，他們開了這間結合畫廊與服裝的店舖，並以文革系列創作打頭陣。
手語說「愛」 諷刺沒有愛
Kenneth在着手設計文革系列作品時，翻閱大量文革書籍，對文革變得既愛又恨︰「呢個根本唔係乜文化大革命，係文化大災難！」他將這種想法全部灌注在作品上。
在店舖的櫥窗陳列着的特大T恤印有毛澤東與三名士兵的人像，毛澤東手拿啤酒、身邊士兵原本手持的毛語錄換成人民幣、四人開懷大笑。Kenneth解釋︰「啤酒代表西方文化，人民幣代表錢，就好似𠵱家嘅大陸︰全被西方文化入侵，而每個人只睇重錢。」
另一件T恤上印有一名工人手拿毛語錄，但右手卻做了一個「愛」的手語︰「文革係痛苦嘅回憶，連自己屋企人也要進行批鬥嘅年代，唔係一個講愛嘅年代，這個對比好強。」Lesley強調，他們的作品裏的諷刺感，可以將天安門廣場與迪士尼結合起來︰「一個係權力核心，另一個夢幻式的遊樂場，但兩者同時又都係旅遊熱點。」
整間店的作品以軍裝人像為主︰「一諗到文革就會諗到血腥、暴力、戰爭、鬥爭，走唔甩呢啲嘢。再加上『批死你』嘅文攻，呢個就係文革。」
Kenneth將所有人像油成黑色，只凸出紅、黃、藍、綠、粉紅等強烈的背景色彩，來諷刺文革時極端排外演變成今日完全崇洋的心態轉變。
記者：唐朝雯
