「炒鞋」時代已經風光不再，現時最「行」的當然係搞Crossover。只要你薄有名氣，而鞋廠又肯同你合作，要搞對「你」加「乘」的潮鞋絕非難事。不過Crossover又似乎氾濫得有點兒那個，憑咩要我再幫襯先？今次PUMA就搞搞新意思，不再搵當紅潮人Crossover，而找來世界知名刺青藝術家Cubanbee設計潮鞋，紋身×波鞋又吸引到你嗎？
記者：羅灝汶
攝影：林栢鈞
網站Member破界交叉
來自英國著名波鞋網站CrookedTongues的用戶，兼且係世界著名的紋身藝術家Cubanbee，近日打破界別與PUMA合作，聯手推出PUMARS100別注鞋款。今次合作共有3款不同顏色及圖案：Father'sDay、Mother'sDay和SacredHeart，睇個名就知完全食番晒「父親節」、「母親節」呢兩大節日，母親你要用心去尊敬，所以直接用心的圖形表示；而父親圖案配上船錨，代表對爸爸的思念同對家人穩定的感覺；而「神聖之心」就代表個人對自己的生活堅持，有心做事就可以對生活有火花咁解。
PUMA×Cubanbee合作推出的RS100，全球限量2081對，喺19個城市有得賣。香港的入貨量官方並無透露，暫時知道全港只得2間連卡佛取得配額。鍾意紋身嘅，就一定要留意，分分鐘同你身上個圖案襯到絕！
OldSchoolvsNewSchool
Cubanbee係當今OldSchool圖案派嘅代表人物，其他2位同級數的紋身大師分別是來自美國的Yeti同日本的Saggy，3位雖然來自不同國家，不過現已並稱為OldSchool界的全球三大天王。不過上網查找Cubanbee的背景資料可以話相當神秘，行內人指好多外國紋身大師都比較低調，名氣多靠同行傳播開去。
而OldSchool時代的圖案代表由50年代開始，到近年紋身技術不斷進步，就演變出不同的刺青文化類別，其基本圖案建基於OldSchool的就可稱為NewSchool。兩者最大分別係在於用色及線條，NewSchoolTattoo會多咗層次感，相反OldSchoolTattoo就以簡約的感覺為主，兩者也可以互相影響結合，從而產生出類似今次PUMA×Cubanbee的新款潮鞋。
Gabe：好有新鮮感
今次PUMA搞呢個咁有創意嘅Crossover，特別邀請本土知名刺青大師Gabe前來對今次紋身×波鞋的Project提供專業意見。Gabe一知道呢個係有關刺青的訪問，已經十分雀躍，Gabe：「可以將一向畀人負面印象嘅刺青圖案帶入屋，絕對係一件美事。」對於今次Cubanbee採用新派的OldSchool圖案玩法，將簡單線條配合鮮艷的色彩去設計圖案，Gabe如此評價：「聖心、父親同母親係好基本的刺青圖形，並不是Cubanbee特別創作，不過將呢3個Concept放入波鞋中，新鮮感就提高好多喇！」
熟客：OldSchool紋身襯到絕
Gabe死黨兼熟客Stone亦義不容辭接受今次訪問，Stone：「玩紋身有兩種人，一係為潮流、二係為紀念，我屬於後者，我身上的紋身每個都係紀念自己身邊周遭的人和事，對我自己嚟講係好有意思。咁啱我最近找Gabe幫手紋了個OldSchool紋身，同對鞋又真係襯到絕呢。」
查詢：PUMA（21183668/21183428）
