早年前哥普拉執導的《教父》重新推出BoxSetDVD，當然第一時間入手。要講黑幫電影絕對無出其右，個個演員都型到裂！記得當年《教父》的成功，令到80至90年代推出一系列黑幫電影，當中最出位的是《古惑仔》系列。不再以史詩式為背景，反而用人物傳記去交代劇情。轉眼10年，香港黑幫電影隨着陳浩南嘅人氣下滑，近期就只有《黑社會》抬頭。
90年代除咗星爺外，要數產量最多當然係劉德華！當中有多部電影環繞江湖電影，例如90年《天若有情》、92年《龍騰四海》及99年《龍在江湖》等。而91年的《衝擊天子門生》，劉德華就是片中洪興社的小當家，整套電影都是仿效《教父》的黑幫史詩式影片，黑幫家族的家庭及黑幫的榮譽顧問等等。《衝擊天子門生》就只有推出過VHS錄影帶，到了15年後的今天先有機會重新發行。值得一提本片由何卓榮執導，亦是「洪興」片崛起的時候，幾廿蚊可以睇番華仔成為第一位「洪興」揸Fit人，抵玩啦！