不到一個月世界盃就到，抽到門票的幸運朋友相信已陸陸續續收到波飛，朋友也禁不住向我炫耀一番。羨慕？少少啦，但我很小女人地回應一句：又不是甚麼勁隊，又唔係英格蘭、巴西……心總是酸溜溜的。認命啦，我冇運又冇錢，睇直播唔好咩！多口問句好運朋友：今年明星足球隊又會組團去睇波，你可知佢哋係睇邊場？好運朋友答我：知，是朋友幫他們去搶飛，當然好辛苦，錢亦係問題，但最終成功撲到荷蘭對阿根廷嗰場飛。嘩，真係厲害，咁都有飛，分分鐘仲好睇過決賽，唔怪之得譚校長咁開心喺電視講組隊去睇波！再一次證明有錢，可以解決好多問題。要是想睇又有錢，我個好運朋友的朋友的朋友……仲有飛賣，是睇波團，團費三萬幾元，包睇兩場波，一場係阿根廷對科特迪瓦，另一場係塞爾維亞和黑山對荷蘭。值唔值？你自己諗諗，最後機會。
查詢：27174281(環宇足球）