銅鑼灣一家書店打着「人民公社」的名號、掛着毛澤東頭像。「當初內地遊客經過，向佢吐口水，有啲企喺度好激動咁狂鬧！」阿Paul，生於1970年代的平凡香港人，從未想過自己會與「文革」有任何聯繫，但他經營的書店卻在4年間成為內地人來港尋找官方禁書的樂園。他笑稱︰「我都唔知有一日過關時會唔會被人哋扣留，好似程翔咁！」
向毛澤東商標吐口水
香港能與文革聯繫到一起的，除「六七暴動」外，還有甚麼？「毛澤東對我嚟講只係個公仔。睇電視見到人哋揸住毛語錄好瘋狂地嗌，覺得佢哋好蠢！」阿Paul在02年開始經營專賣大陸版書籍的書店，03年尾決定將書店與咖啡室相結合，並改名為「人民公社」，以毛澤東頭像配五角星作商標︰「當初咁設計純粹覺得好玩，因為中國唔會再出現第二個毛澤東。」
這種設計雖為書店引來不少內地人，但也令他們忌諱甚深。阿Paul說，除了被人吐口水外，內地人即使走入書店亦會抱着懷疑態度︰「佢哋會問你係咪支持文革㗎？你係咪好鍾意人民公社？」
為了吸引內地客，阿Paul取消了商標中的五星，還引入一些內地禁書，隨着自由行擴大，書店的內地客亦愈來愈多︰「試過有幾個客問我有冇《晚年周恩來》，我當時根本唔知係乜嚟㗎，即刻周圍搵。」
阿Paul說內地人對禁書非常飢渴︰「試過有雜誌剛介紹了《十二個春秋》，第日即刻有內地人打電話問我哋有冇呢本書，我哋都未嚟得切入貨。」這書店的政治禁書由最初只佔一層書架，增加至兩行書架，總共有200多套，成為本港數一數二賣內地禁書最多的地方。
記者：唐朝雯
