見到Dennis滿心歡喜手擁2部巨型巴士模型，真係戥佢高興，但近距離睇過部車，我立時認為佢又買錯車。你說精細，我唔覺得，引擎太簡單，車底沒有精密結構，最精細只是車廂的座椅，你付出3千多元去了哪裏？買個比微波爐更重的車殼上。看到你笑容那麼燦爛，知你心甘命抵，無計。我始終認為你已成為賣藥黨騙案內的阿婆。我部平治190E2.5-16EVOII模型車就唔同，我專登帶回公司給你欣賞。買模型車是心頭好，模型車不需有重量，好像我的車仔，車廂、引擎十分精細，懸掛也清晰可見，我早兩年前找朋友買的，只是3百多元，是你一部車的三分一，Dennis你真係好豪！
記者：袁國基