「人民公社」的創辦人阿Paul說，內地客現時佔書店總客量的85%，當中絕大多數都是專門來買禁書，其中45%屬「大豪客」、做官的︰「佢地買得好豪，一個人買好多本，埋單時閒閒地一、二千蚊。一般普通市民嘅話，佢地會問我買返去會唔會被人拉，會擔心啲。但呢類豪客就唔會，佢地完全了解呢方面嘅法律。」
阿Paul表示，今年是文革40周年，來買禁書的內地人，增加了兩倍。他說，買文革書的有兩種人，一種是想了解文革的人，「呢類人大都經歷過文革，有啲被鬥過，佢哋想喺呢啲禁書中搵到官方以外嘅觀點，可以更全面地了解整件事」；另一種人則是30多歲，想了解中國未來政局的人︰「佢哋大多係做生意，好想知道中國將來嘅政局係點，好似嚟緊嘅十七大人事變動咁，佢地唔想大陸再行返文革嘅路。」
不過，阿Paul就覺得︰「文革亦好、𠵱家嘅中國又好，甚至幾千年嘅中國都係無變過，一樣咁人治。」
本報記者