陳小春噚日去咗商台接受訪問，對於近日有中學生喺網上非法下載歌曲同電影而被捕，小春提議呢啲咁鍾意喺網上非法下載歌曲同電影嘅學生，應該用佢哋嘅才華做番啲正面嘅事。小春又話利用手機出貓嘅會考生簡直係廢柴，因為父母畀咁多錢、咁多心機去栽培佢哋，佢哋就做埋啲咁嘅嘢，覺得呢班學生簡直係讀屎片。