煲呔想搞一黨專政，原來唐唐亦正為自己嘅前途煩惱緊。金勞詹同八方講，唐唐最近四圍向人請教佢嘅政治前途，應該向前行抑或向後退，因為如果今次唔玩，就大可以告老歸田，返去種唐氏靈芝，不問政治。
班謀臣梗係叫佢霸住個位啦，如果可以有級升就幾大都更上一層樓，而目前最佳收買人心嘅方法，就係趁庫房忽然水浸多咗147億，向市民派糖，等大家留個好印象。
呢啲橋真係係人都諗到，只係做唔做得到。煲呔話就話放晒手畀唐唐搞財政預算，但係你估會唔會任你放水攞分呢？所以唐唐就算想大派糖果，都未必心想事成，真係有口難言，有苦自己知。
嗱，你今年派唔成糖就冇着數啦，因為明年三月已經係特首選舉之時，到時就算做乜都係為煲呔抬轎，有credit都畀煲呔攞晒。
不過，唐唐條命可能整定係為他人作嫁衣裳，冇得好講。阿松都係一樣，前人種果後人收，唐唐相對阿松已經好運得多，係咪？
傳真︰2623-9278
電郵︰[email protected]