有時都覺得自己實在太濫，見一個鍾意一個，雖然之前嗰個已被打入冷宮，連見都唔想見，但都唔願放佢一條生路俾識欣賞佢嘅人帶走，可能我要安全感，一定要有後備……講緊嘅，當然係自己嘅飾物啦，無論乜類型乜款式乜價錢我都會考慮，結果就係買咗一大堆返屋企，買咗都唔記得，多到有人問我借，不過我自私點都唔畀。
最近行過銅鑼灣地帶，俾我見到最喜歡的迪士尼卡通人物TinkerBell出咗新銀手鏈（這是原裝銀手鏈，而不是由店長用其他飾物碎砌出來，所以特別有價值），其實明知自己一定唔戴，講真迪士尼的飾物太濫，我唔想見到你戴小熊維尼，佢戴米奇，成個FanClub咁。店長話呢條鏈日本嗰邊都斷貨，我係一個女性消費者，一聽到咁嘅情況第一時間即話：「咁我要呢條啦！」雖然明知9成係Sales口技，但好簡單，怕人擁有搞到自己唔安樂，最後條手鏈都係跟咗我返屋企，不過最後都係無戴過……