煲呔得力助手，亦都係AO界出名靚女嘅教育統籌局副秘書長（人力及專上教育科）馮程淑儀，噚日出席一個畢業禮時，俾八方一手捉住佢，問吓點過母親節，馮太竟然話覺得非常突然，因為佢以為外人唔知佢已經做咗人阿媽，不過身邊嘅人立即提醒佢：高官冇秘密。事後馮太話，好開心收到四歲半囡囡喺幼稚園帶返嚟嘅康乃馨，至於母親節當日嘅活動就要等老公安排喇。
由工商科技局調去教統局兩個星期嘅馮太話，新工作好有挑戰性、好有意思，與以往接觸開嘅工商界好唔同，而係做一啲好實在、兼關乎民生嘅工作，佢好謙咁話𠵱家仲係學習階段。八方喺度祝佢順順利利，繼續步步高升，得到煲呔祝福，唔好似羅太搞咁多大頭佛。
傳真︰2623-9278
電郵︰[email protected]