長實副主席李澤鉅同老婆王儷橋（前名王富信）上個月尾卒之為李家添丁，但莫講話BB個樣，就連改名都神神秘秘，小超人淨係肯透露BB改咗英文名，中文名就要開會決定。不過，呢個秘密竟然俾自己細佬篤爆。
噚日下晝4點幾，八方喺機場撞見小小超李澤楷一個人拖住個篋準備離開香港，於是即刻走埋去八吓，問佢哥哥個仔改咗名未，佢話姪仔改咗個英文名叫Michael，但就冇講中文名改咗未，然後就匆匆入閘。
其實八方噚日喺機場仲撞見前體操王子李寧同長毛梁國雄離港，長毛同個戴住牛仔帽嘅老外一齊，應該係出發去德國開會。
傳真︰2623-9278
電郵︰[email protected]