香港迪士尼樂園名譽大使張學友日前率先試玩迪士尼即將開設的新遊戲，學友大讚駕駛「馳車天地」內的Autopia車像開篷跑車一樣，很有速度感，駕駛時配合路上的特別布置，猶如進入太空旅程，充滿神秘感。
香港迪士尼樂園開幕至今，接二連三傳出負面新聞，為了迎接夏季來臨，今年暑假會啟用在明日世界部份的新項目「馳車天地」，身為樂園名譽大使的張學友日前錄影本月的《迪士尼樂園奇妙世界》，便率先駕駛着Autopia車試玩。
「似開篷跑車」
學友被安排參觀新建成的景點，甫抵明日世界，即急不及待走近「馳車天地」的登車處，並敏捷地跳上Autopia車開始他的奇妙旅程。駕駛着Autopia車遊覽幾個圈後，學友仍不捨得停車。
問學友對這個新項目的感覺，他說：「呢部Autopia車真係好似開篷跑車咁，好有速度感，最重要係馳車天地可以畀到冇車牌嘅朋友都有機會享駕駛嘅樂趣，真係好難得。大家諗吓如果一家大細一齊遊車河，真係個奇妙旅程。」
路景似行星
談到學友的奇妙旅程，他又說：「最特別嘅係路上嘅景物，完全係別出心裁嘅布置，令人感覺好似進入外太空嘅不知名行星裏邊遊車河咁，草、木、石都散發住神秘氣息。而且馳車天地裏邊仲有3個唔同嘅旅程可以選擇，每個路程嘅景物都唔同，帶畀大家截然不同嘅感覺。」學友介紹Autopia車亦有6款不同設計，各有特色，所以他表示稍後會帶家人再去玩樂。
此外，香港迪士尼樂園下月又推出由張堅庭和黃真真分別執導廣東話和普通話版本的互動卡通片《扮嘢小魔星》（Lilo&Stitch），取名為《幸會史迪仔》，近日為籌備事宜頻頻開會，稍後還會參與物色配音演員。
撰文：比華利