年年母親節問親老媽子鍾意咩，例牌菜第一句實話：「唔使啦」，講係咁講啫，之但係若然唔送番份厚禮，恐怕未來一個月嘅三餸一湯、滋潤糖水、熨到起晒骨嘅恤衫都岌岌可危！所以，今年都係大手筆啲，送份大禮過佢。好彩皇天不負有心人，最終都俾我搵到唔少母親節禮品優惠，既可以保住荷包，又可以保住三餐，放心晒。
記者：黃婉冰
攝影：林栢鈞
Model：Katie（Salvador）
平買健康用品送媽咪
阿媽一日做家務做到黑，身為人家仔女的你同樣一日忙到黑，都咪話幫阿媽按摩，就連自己都想搵人按一按，既然自己無時間為老媽子效勞，不如趁今個母親節揀番件按摩產品畀佢，等佢可以日夜隨時有得按，唔怕佢日哦夜哦詐你型！嫌貴？唔會啦，即刻話你知邊度有平貨掃！
「穴位宗師」由頭按到落腳
三洋「穴位宗師」按摩椅，可模仿人手指壓，做出不同力度的揉按效果，又可藉着人體汗濕程度和心跳等心理反應探測肌肉痠痛部位，再按不同的身體狀況提供有效的物理治療，再配合腿部按摩，可以由頭按到落腳，照顧周到。優惠期間（明日及後日）購買更可獲贈「足樂園」秀腿專家一部。
原價$46,800
特價$35,100（a）
965種按摩招式任你揀
PanasonicMomiMomi專業按摩椅，集指壓、揉揑、揉按、伸展等按摩精粹於一身，共有965種不同的按摩技法，可以全面舒緩疲勞。咁多招式，梗有一招半式啱媽咪用。
原價$43,800
特價$35,040（b）
購買MomiMomi按摩椅即送價值$3,980腳底按摩機或價值$3,580的O2氧氣機一部，其獨特的「添氧濾層」可將空氣中含氧量提升至30%，有助減退睡意，舒緩精神疲勞，提高集中力，有咗佢就唔怕媽咪做家務做到瞌眼瞓。
光學感應搵穴位
OSIMiDesire按摩椅，配置了手部和腳部按摩組件，促進血液循環同調節神經系統，內置智能光學感應器，因應不同人的高度，檢測出脊椎長度及肩部位置再找出27個穴位位置。優惠期購買附送價值$3,080iSqueez美腿魔師一部。
原價$52,800
特價$42,800（c）
一邊聽歌一邊按
OSIMiSymphonic音樂按摩椅，獨有音樂按摩程式，最特別是其按摩速度可隨着音樂節奏而有所變化，只要放入CD，按摩速度就會隨住音樂節奏而有所不同。優惠期購買附送iSqueez美腿魔師一部！
原價$32,800
特價$26,800（c）
按腳好幫手
媽咪日日買餸、洗衫煮飯一腳踢，對腳唔痠痛至奇，買呢部三洋「足樂園」秀腿專家畀佢就最啱。其內置的指壓棒，可以模擬人手技法上下、前後移動，刺激腳底穴位和反射點，仲有模仿浴足的溫熱指壓功能，好過帶佢去揑腳。
原價$4,680
特價$3,588（a）
買「JOBA」送腳底按摩機
近排熱爆嘅PanasonicJOBA騎馬健體機，雖然新貨無得減，但母親節期間買一部即送價值$3,980腳底按摩機一部，一個價兩件貨，同媽咪齊齊用又夠好呀！
$14,800（b）
生命水機飲得健康
平日媽咪最鍾意沖番杯靚茶飲，送呢個NESH生命水製造機畀佢就最好不過。水機內有3支濾芯、12層超精密過濾系統，可以濾除水中有害物質同雜質，令水質更清純，用來沖靚茶就最啱啦。
原價$5,850
特價$4,680（a）
送補品「潤一潤」老媽子
屋企擺唔落張大按摩椅，無問題，唔送咁「大禮」，送份同樣夠份量嘅「小禮」都一樣啫！要有份量又唔阻碇，補品係首選，燕窩、花膠、冬蟲草……，一樣有減價優惠、有禮送，着數都唔少。
怕佢燉補品太操勞，可以揀幾盒即食補品，好似燕窩珍珠丸同養陰白鳳丸，前者功效同食燕窩差唔多，後者主要以滋補藥材為主，學司祺姐話齋，女人唔補好易老。
燕窩珍珠丸
原價$185
特價$148（e）
養陰白鳳丸
原價$180
特價$144（e）
花膠潤膚一流
花膠含豐富膠質同蛋白質，滋陰養顏，對貧血特別有效，見媽咪日捱夜捱出晒眼袋，係時侯買包畀佢補補，家陣買2包送1包，趁低吸納。
$290/包（半斤裝）（e）
送頂級燕盞至夠豪
越南頂級燕窩最出名，想送得豪揀佢就最好，隻隻燕盞又大又完整，送畀外母實無失禮，另有2両、4両禮裝可供選擇。
原價$1,050/両
特價$899/両（e）
頂級燕窩多買多折
家有貪靚媽咪，燕窩例必係首選。想得體又唔太貴可以揀印尼頂級官燕，家陣買仲可以有特價優惠，買2両有95折、4両85折、8両或以上8折、1斤或以上75折，買多啲可以平多啲，自己又可以食埋一份，唔錯。
原價$780/両（d）
買燕窩送水晶手鐲
買燕窩有折扣外，買滿$1,500（折實價計），仲可以獲贈價值$688限量版波希米亞水晶手鐲一隻。
其他着數推介
SHOPLIST
（a）三洋展銷場馬鞍山新港城2樓A場24938228
（b）樂聲牌崇光陳列室銅鑼灣軒尼詩道555號崇光10樓28330955
（c）全線OSIM門市27902300
（d）全線燕之家26331299
（e）全線東方紅81982222
