馮德倫一直有個心願要重拍龍剛在60年代導演的《英雄本色》，初時他曾屬意周杰倫主演，但現時終於落實由劉德華演出，預計年底開拍，投資約5,000萬，影片雖未開拍，但會率先在下周舉行的康城影展推介。
為了重拍龍剛在1969年拍攝的《英雄本色》，馮德倫花了幾年時間籌備，且跟不少公司傾過，但由於投資太大，要找公司支持開拍這部戲亦不容易，該片原本找了寰亞投資，但現在可能是由幾間公司合資拍攝，而劉德華的公司會是主要投資的公司。馮德倫認為每個年代都有1個英雄人物做代表，60年代有謝賢，80年代有周潤發，2000年應該是劉德華。
飯敍促成美事
馮德倫之前想也未想過華仔肯演出這部戲，昨日他在電話中說：「早排同華仔食飯，我同佢講起呢部戲，佢一聽個古仔好喜歡，咁我哋好快就達成合作，佢仲肯投資埋，我真係好感激華仔，對電影咁有熱誠同支持新導演開戲，𠵱家除咗華仔會做番謝賢釋囚個角色外，原本細佬個角色仲未定實係咪由陳冠希做，最終要等個劇本出埋嚟先可落實。」查實吳宇森重拍《英雄本色》一片時，狄龍演的豪哥，其藍本便是龍剛版本中謝賢的角色。
投資大難獨撐
劉德華昨日承認會投資這部戲，他接受電話訪問時說：「我對呢部戲係感到興趣，但部戲投資太大，相信冇可能獨資，喺今屆康城影展會介紹吓部戲，到時睇吓片商會有乜反應。我覺得唔同年代英雄代表唔同嘅意思，好似60年代肯為家庭作付出嘅人就代表係英雄，到80年代為對朋友夠情義就代表英雄，咁2000年又係乜呢？𠵱家我哋就度緊個劇本喇！」
採訪：陳月媚
