吳浩康（右）噚日喺新城電台以《家天下》嘉賓主持身份訪問張達明，講到有49名網民涉嫌利用BT非法上下載賀歲片而將被提出法律訴訟，達明就話無論人數幾多，至少有行動，但就覺得最受影響嘅係音樂界。而吳浩康就話玩開音響嘅人對音響質素要求好高，一聽就知非法下載的音效唔好，好彩𠵱家有好多歌手都推出防上載CD。