殷櫻早前為男友巫雨平旗下的旅遊雜誌拍攝一輯半裸照，但她嫌手腳過肥，為迎接夏日來臨，特別往纖體中心做減肥機，被繃帶包着手腳的她笑言首次做這種機，覺得自己似木乃伊。
剛踏入5月，氣溫已高達30℃，殷櫻為迎接炎炎夏日，日前往尖沙嘴星妍纖體美容中心接受纖體療程和做運動。平時經常跑步和練習瑜伽的殷櫻，大呻因為拍劇而令作息時間日夜顛倒。
多喝湯水習瑜伽
殷櫻說：「雖然拍劇好辛苦，不過我每日都會爭取8個鐘頭休息，同埋我又會盡量飲多啲湯水吸收多啲水份。平時我一得閒又會練瑜伽，每次20分鐘，可以加速新陳代謝㗎！」
在新劇《通天幹探》中飾演設計師的殷櫻，早前為男友巫雨平旗下的旅遊雜誌拍下一輯半裸照，性感程度爆燈，不過她自嫌手腳仍是太肥，所以要求纖體中心對症下藥，務求穿着夏天必備的小背心和熱褲時更吸引。
「成日跑步搞粗晒」
殷櫻說：「我啲手腳不嬲都好難瘦，加上以前成日跑步，搞到大髀粗晒，咁夏天梗係希望自己靚啲啦！」當日工作人員為殷櫻以繃帶紮着手腳，再在繃帶上圍上收身儀器的黑色膠帶，之後接駁儀器通電，以達致消脂效果。事後殷櫻笑說：「以前都有做過機減肥，但未試過咁樣俾繃帶紮住，搞到好似木乃伊咁！」殷櫻又試玩另一部收身儀器，站在儀器上做不同動作，藉着機器不同方向的移動令全身肌肉運動。
採訪、攝影：藍文浩
