孖仔組合Soler日前取代方力申及兩名餅女，拍攝新一輯電器廣告。他們分別穿上背心，大騷健碩肌肉，為了保持勻稱身形，兩兄弟均很注意每日的飲食習慣，Soler這對背心黨的清涼造型，絕對不讓女星專美。
孖仔組合Soler最近接拍了中原電器新一輯廣告，搶了方力申及兩名餅女鄧麗欣（Stephy）和傅穎（Theresa）的飯碗，廣告商表示挑選代言人的先決條件是形象必須夠潮，以及具備人氣，新人王Soler絕對符合資格，兩兄弟還以背心造型出鏡，實行以筋肉誘惑歌迷。
油菜當午餐
Soler日前在銅鑼灣的上樓時裝店取景，他們分別換上黑白背心配牛仔褲進行平面廣告拍攝工作，大孖Julio爭取在髮型師整理頭髮時，順便進食油菜做午餐，他說：「我嘅午餐會食得清淡啲，因為我唔想亂食嘢，咁樣會影響身形同健康。我做得幕前演出，都要好顧及形象，唔可以亂嚟。」細孖Dino都好認同哥哥的健康食療法，所以他都很注意飲食。
Soler除了做代言人外，又參與廣告造型的構思，務求一切盡善盡美，Julio說：「呢個布置好舒服，我哋希望帶出喺屋企享用電器嘅舒服感覺。」
雪櫃最緊要
這個電器廣告已是Soler入行後接拍的第3個廣告，問到他們對家中電器的要求，Julio說：「其實我要求好簡單，我唔會追款，我只係要求實際用途。」如果Soler的家中只可以擁有一款電器，他們會挑選哪一種？熱愛音樂的Julio說：「我想留低嘅電器係音響器材。」至於Dino則說：「我屋企一定要嘅係雪櫃，唔係因為我鍾意飲冰凍嘅嘢，而係我要儲存好多蔬菜同肉類，我得閒時好鍾意自己下廚。」
採訪：比華利 攝影：陳俊強
